Lingua e letteratura siciliana  Culture  Prima pagina

LE POESIE

di Anna Maria Tornabene Burgio

Sira di  mmernu

Chi surruschi!!

Chi friscu d’acqua!!

E stu fumu

E ciavuru di castagni

Spunnatu da luci di lampiuna,

si cunfunni cu ciavuru

du pani nisciutu ora ora du furnu.

“Si spicciassi, don Paulu,

a darimi u pani;

a natra anticchia chiovi.”

Poi, c’ammuogghiu cavuru cavuru

Sutta a scidda

A curriri pi ghiri

A casa.

Però’.

Com’è puru bella

Na sira di mmernu.

Ciavuru  di sucu

ciavuru di sucu,

ciavuru di duminica,

ciavuru  di jornu aspittatu,

ciavuru di suli,

ciavuru di vesta nova,

ciavuru di missa a manz’jornu,

ciavuru di genti ca un c’è cchiù….

Ciavuru di nuatri

quannu aspittavamu a duminica,

quannu a duminica era fatta di….

ciavuru di sucu,

di jornu aspittatu,

di suli,

di vesta nova,

di missa a manz’jornu,

di genti ca un c’è cchiù….

Munneddu

S’astuta l’ultimu cafè.

Astutanu a luna

negghi di sciroccu.

Na pignata di cocciu rutta

e spini di rizzi

puncinu u scuru.

Dormi u mari.

E Munneddu rammenta

Tempi fujuti.

Prima d’addummiscirisi

‘n ‘ta llultima risata furastera.

U ciaramiddaru

Quantu tempu

‘to so ciatu

e chi ciavuru

di veru mmernu

quannu u Santu Nutricu

nasceva puru n’allarma.

Na vota all’annu

tuppulia n’ ta ciaca

du nostru cori:

ciunnannula.

'nta vanedda

“chiovi,chiovi a pasta chi fasoli,

chiovi,chiovi a pasta chi fasoli…

sbrizzia ‘nta vanedda

e i picciriddi cantanu

e fannu u girutunnu

vagnannusi cuntenti.

“Chiovi,chiovi a pasta chi fasoli,

chiovi,chiovi a pasta chi fasoli.”

“Chiovi,chiovi a pasta chi fasoli,

chiovi,chiovi a pasta chi fasoli.”

Chiovi asuppaviddana n’ta vanedda:

“trasi,trasi ca ti vagni”

Ma iddi secutanu a cantari

e filici sutta l’acqua s’assicutanu.

“chiovi,chiovi a pasta chi fasoli,

chiovi,chiovi a pasta chi fasoli.”

Chiovi forti ntà vanedda

E nescinu i matri

 A pigghiarisi i figgi

e a falli trasiri dintra a naticati.

Ristavu sulu iu

‘nta vanedda:

cu ancora n’ tall’occhi

un quatru ri vintottanni fa’.

Nata a Palermo il 29/09/48. Erborista , risiede nella sua città natale.

Console per l’Accademia di Europa, Ambasciatore Culturale, Cittadina Onoraria di Londra, Chevalier Des Arts

Da una trentina d’anni partecipa ai Concosi di Poesia Nazionali ed Internazionali ottenendo riconoscimenti, onorificenze,nomine.

Rappresenta a Palermo l’Ordine Nazionale dei Poeti Italiani.

Antologie con sue opere si trovano nelle più importanti sedi Universitarie Europee commentate in convegni,seminari e conferenze. Due sue liriche si trovano nel Sussidiario per le scuole medie “Verso nuovi Orizzonti”. Dal 2006 è stata inserita nel Dizionario dei poeti Italiani.

Informazioni al:

3397604968

chiaraburgio@libero.it  

La nostra iniziativa editoriale

Il giornale dei popoli del mediterraneo